Martxoaren 21ean, arratsaldez, Irurako eta Anoetako ikastolen artean Korrika Txikia antolatuko dugu. Lekuko aldaketa Irurako zubi hasieran izango da eta bi Ikastoletako lekukoak trukatuko ditugu.
Ondoren, manifestua entzungo dugu eta guztiontzat merienda izango da. Aldi berean, KORRIKAko unitate didaktikoan proposatzen duten artelana egingo dugu. Hau burutzeko gela bakoitzari muralaren zati bat emango zaio margotzeko eta gero HizProkoek murala osatu eta ikusgai jarriko dute.