Lehen Hezkuntzako 2. mailako ikasleek egun osoko irteera egingo dute Donostiara, gelan lantzen ari diren "Boga-boga marinela" gaia baliatuz.
Euskal arrantzaleen historia lantzen ari diren honetan, Donostiako Itsas Museora egingo dute bisita.
Bertan, gelan ikusitako edukiak lantzeko aukera izango dute bi tailerren bidez. Besteak beste, euskal balearen ezaugarriak, balearen arrantzaren urratsak, balearen partiketaren nondik norakoak, nabigazioan emandako aurrerapenak, Elkanoren historia... eta nola ez, itsasoan topo egindako arriskuak: Piratak.