Ikastola osatzen dugun guztiok eguna aurrera eraman genuen
Atzo, igandea, Anoetako Herri Ikastolako Eguna arrakastatsua ospatu genuen.
Egunean zehar ekintzez jositako jarduna aurrera eraman genuen. 09:00etan ibilaldi neurtuarekin hasi ginen eta goizean zehar ikasle txikien kalejira eta dantza emanaldia; ikasturtean zehar eginiko eskulanen erakusketa eta DBH4koen agurra eta jokuak.
Denok elkarrekin herriko frontoian bazkaldu eta arratsaldean bingoa, sari banaketak, aurpegi margoketak, umeentzako jolasak eta koreografiek hartu zuten protagonismoa.
Giro ederrean eta Ikastola garen guztion parte hartzearekin beste urte batez ekin genion festari. Lerro hauetatik eskerrik beroenak lanean aritutako guztioi.
Argazkiak hemen
